قىزلار تولىمۇ قىممەتلىكتۇر، چۈنكى، ئۇلار دۇنيانىڭ ئەڭ چوڭ نېمىتى، ئائىلىنىڭ گۈلى ۋە بەرىكىتىدۇر.
قىزلار جىسمانىي جەھەتتىن ئاجىز يارىتىلغانلىقى ئۈچۈن، ياتلىق بولغۇچىلىك ئاتىسىنىڭ، ياتلىق بولغاندىن كېيىن جورىسىنىڭ ھىمايىسىگە تاپشۇرۇلغان ئامانەتتۇر. بۇ ئامانەتنى ئاسراپ ساقلىغانلار مۇكاپاتىنى كۆرگەندەك، ئۇلارنى خارلىغانلار ۋە نازۇك كۆڭلىنى بىئارام قىلغانلار جازاسىنى تارتىدۇ.
دۇنيادا ئەڭ ئوڭاي گۇناھ ئاياللارغا زۇلۇم قىلىشتۇر. ئەمما ئاللاھ تائالا زۇلۇمنىڭ جازاسىنى ئاخىرەتكە قويمايلا بۇ دۇنيادا كۆرسىتىدۇ.
ئۇنتۇپ قالمايلىكى، مەزلۇمنىڭ يىغىسى چوقۇم تۇتىدۇ!
بىر ئايالنىڭ كۆڭلىنى ئالالمىغان ئەر باشقا ئاياللارنىڭمۇ كۆڭلىنى ئالالمايدۇ، بىر ئايالنىڭ كۆڭلىگە بارىدىغان يولدا ئادىشىپ قالغانلار باشقا كۆڭۈللەردە ئورۇن تاپالمايدۇ. تالادىكى ئاياللارمۇ ئۆيدىكى ئايالغا ئوخشايدۇ. ئۆيىدىكى چېچەكنى پەرۋىش قىلالمىغان ئەر تالادىكى ئۇرۇقلاردىن چېچەك ئاچتۇرالمايدۇ.
ئەرنىڭ تەقۋالىقىنى ۋە ئەخلاقىنى ئۆلچەيدىغان يەر مەسجىد ئەمەس، بەلكى ئۆيدۇر. تالادا پەرىشتە، ئۆيدە زالىم ئەرلەر ياخشى ئەرلەر ئەمەس. چۈنكى، پەيغەمبەر ئەلەيھىسسالام: «سىلەرنىڭ ئەڭ ياخشىلىرىڭلار ئائىلىسىدىكىلەرگە ياخشى مۇئامىلە قىلىدىغانلاردۇر» دەپ كۆرسەتكەن.
- مۇھەممەد يۈسۈپ
қизлар толиму қиммәтликтур, чүнки, улар дуняниң әң чоң немити, аилиниң гүли вә бәрикитидур.
қизлар җисманий җәһәттин аҗиз яритилғанлиқи үчүн, ятлиқ болғучилик атисиниң, ятлиқ болғандин кейин җорисиниң һимайисигә тапшурулған аманәттур. бу аманәтни асрап сақлиғанлар мукапатини көргәндәк, уларни харлиғанлар вә назук көңлини биарам қилғанлар җазасини тартиду.
дуняда әң оңай гунаһ аялларға зулум қилиштур. әмма аллаһ таала зулумниң җазасини ахирәткә қоймайла бу дуняда көрситиду.
унтуп қалмайлики, мәзлумниң йиғиси чоқум тутиду!
бир аялниң көңлини алалмиған әр башқа аялларниңму көңлини алалмайду, бир аялниң көңлигә баридиған йолда адишип қалғанлар башқа көңүлләрдә орун тапалмайду. таладики аялларму өйдики аялға охшайду. өйидики чечәкни пәрвиш қилалмиған әр таладики уруқлардин чечәк ачтуралмайду.
әрниң тәқвалиқини вә әхлақини өлчәйдиған йәр мәсҗид әмәс, бәлки өйдур. талада пәриштә, өйдә залим әрләр яхши әрләр әмәс. чүнки, пәйғәмбәр әләйһиссалам: "силәрниң әң яхшилириңлар аилисидикиләргә яхши муамилә қилидиғанлардур" дәп көрсәткән.
- муһәммәд йүсүп