Бәхит-саадәт дегән мәнавиятқа тәәллуқ болуп, уни көз билән көргили, тараза билән өлчигили болмайду. Уни байлиқ канлиридин яки орда ғәзнилиридин тапқили болмайду. Уни пулға сетивалғили техиму болмайду. Бәхит-саадәт шундақ нәрсики, инсан уни турмушниң һәммә тәрәплиридә һис қилип тәңдашсиз ләззәткә толиду. У дилниң арами, вижданниң раһити, көңүлниң шатлиғидур. Униңға еришкән киши қәлбниң әң чоңқур қатламлирида вайиға йәткән азадилик вә һузур   ни һис қилиди

Бәхит-саадәткә еришиш һәммила адәмниң бирдәк арзуси болуп, мәйли садда пикирлик адәттики кишиләр болсун яки мутәпәккүр, алим болсун, һәммиси бәхит-саадәткә еришишни халайду. Шаһлар өзлириниң һашамәтлик ордилирида бәхит-саадәт йоқлуғидин аһ урса, гадайлар өзлириниң ғерибанә күлбилиридә бәхит-саадәт издәп чот соқиду вә әң шерин чүшләрни көриду. Бирақ у аһ уруп, бу чот соқуп .издәватқан бәхит-саадәт дегән немә? Зади қәйәрдә? Униңға қандақ еришкили болиду

.Бу китап сизниң бу соаллириңизға җавап беришкә тиришиду

                                                                                                            .Муһәммәт ЙҮСҮП