Бисмиллаһир рəһманир рəһим
Әң гөзәл махташлар вә әң мукәммәл мәдһийәләр аләмләрниң
яратқучиси вә йеганә Рәбби, җанабий Аллаһқа хастур. Аллаһ
тәалани чин қәлбимдин мәдһийиләймән вә униңға шүкүр қилимән. Һәқ динни бизләргә йәткүзгән сөйүмлүк пәйғәмбиримиз
һәзрити Муһәммәд әләйһиссаламға дурут, дуа вә салам йоллаймән. Униң аилә тавабиатлириға, саһабилириға вә та қиямәткичә униң йолини давамлаштуридиған мөмүн, мусулман қериндашлиримға икки аләмлик бәхит-саадәт тиләймән.
Дунияда һәрқандақ адәм һаятини һузурлуқ (раһәт) вә мәнилик өткүзүшни халайду, һечким бәхитсиз вә мәнисиз һаят
кәчүрүшни халимайду. Әмма инсанларниң толиси өзидики вә
әтрапидики һузур-һалавәт амиллирини биләлмәйду. Улар гоя
төгә үстидә туруп, төгә издигән адәмдәк һузур-һалавәтни вә
мәнилик турмушни йоқ йәрләрдин издәйду. Россиялик мәшһур
философ Л.Толстой: «Биз көпинчә вақитларда бәхит-саадәт йенимизда турсиму, худди көзимиздә турған көз әйнәкни издигәндәк уни издәп жүримиз» дегән екән. Реаллиқ шуни испатлидики, һаятниң пәйзини сүрүш, уни мәнилик өткүзүш һәрқандақ
адәмниң қолидин келидиған иштур. Биз көзқарашлиримизни,
етиқадимизни вә тәсәввуримизни иҗабийлиққа өзгәртиш, нәзәр
даиримизни кеңәйтиш вә өзимиздики йошурун җәвһәрләрни
қезиш арқилиқ һаятимизни мәнилик вә һузур-һалавәтлик өткүзүшкә, әлвәттә, қадирмиз.
Бу дунияда вә ахирәттә бәхитлик вә һузурлуқ һаятқа еришишниң әң биринчи амили иман вә яхши әмәл екәнлигини қәтъий
унутмаслиғимиз керәк. «Əр-аял мөмүнләрдин кимки мөмүнлик һалитидә туруп бирәр яхши әмәлни қилидекән, биз уни,
әлвәттә, әң яхши һаятта яшитимиз. Уларға, әлвәттә, уларни қилған әмәллириниң әң яхшиси бойичә мукапатлаймиз»
(“Нәһл” сүриси, 97-айәт). Барчә саадәт иман вә яхши әмәлдин
Муһәммәт Йүсүп
6
кейин келиду. Чүнки иман қәлбимизни течландуридиған, бизни һәрикәтләндүридиған энергия болуп, яхши әмәл иманниң
нәтиҗиси вә саадитимизниң капалитидур.
Жиллардин бери үгәнгәнлиримни вә һаятлиқтин алған аз-тола тәҗрибилиримни оқурмәнлирим билән ортақлишиш мәхситидә бу рисалини (язмини) һазирлидим. Бу рисалигә бизниң
һузур-һалавитимизгә вәсилә болидиған қириқтин көпирәк мавзуни киргүздүм.
Җанабий Аллаһ тәаладин бу аддий рисалини хәлқим үчүн
мәнпәәтлик қилип беришини вә бу әмгигимниң әҗир-совавидин
пеқирни вә ата-анамни бәһримән қилишини тиләймән.
Муһәммәд Йүсүп.
Һиҗрийә 1442-жили, муһәррәм ейиниң 22-күни,
Миладийә 2020-жили, 10-сентябрь.
Җиддә–Сәудийә Әрәпстан