Бу әсәрни һазирлашта Аллаһ тәаланиң исим-сүпәтлири
һәққидә йезилған әсәрләрдин бир қанчисини әстайидил оқуп
чиқтим, андин мәзкур әсәрләрдин бәзисини мәнбә қилиш үчүн
таллидим. Улар төвәндикичә:
1. Әлламә Сәлман Әвдәниң
«Аллаһниң әң улуқ исми вә униң исим-сүпәтлири һәққидә»
намлиқ әсири.
»موسوعة أسماء هللا الحسنى« Наблисиниң Ратиб Муһәммәд Әлламә 2.
«Аллаһниң исимлири» намлиқ әсири.
3. Доктор Өмәр Әшқәрниң »وصفاته هللا أسماء» »Аллаһниң исимлири вә сүпәтлири» намлиқ әсири.
»النهج األسمى في شرح أسماء هللا الحسنى« Әннәҗдий Һәмуд Муһәммәд 4.
«Аллаһниң исимлири һәққидә шәрһи» намлиқ әсири.
»مع هللا االسم األعظم وقضية أسماء هللا الحسنى«
Муһәммәт Йүсүп
14
5. Әли ибни Җабир Әлфәйфиниң «Йәттинчи асманға сәпәр»
намлиқ әсири.
Пәйғәмбәр әләйһиссалам: «Аллаһниң 99 исми бар, кимки
уларни саниса җәннәткә кириду» (Бухарий вә Муслим ривайити)
дәп көрсәткән. Көп санлиқ әлламилар Аллаһ тәаланиң исимлири һәққидә кәлгән сәһиһ һәдисләргә асаслинип, Аллаһ тәаланиң
исимлири 99 исим билән чәклинип қалмайду, бәлки униң чеки
йоқ, дәп қарайду. Шуңа уларниң арисида Аллаһ тәаланиң исимлириниң сани һәққидә охшаш болмиған қарашлар мәвҗут. Бу
сәвәптин бир әлламиниң топлиғанлири йәнә бир әлламиниң топлиғанлиридин пәриқлиқ болған. Мәсилән: әлламә Муһәммәд
Ратиб Наблиси мәзкур әсиридә Аллаһ тәаланиң «Қуръан Кәрим»
вә сәһиһ һәдисләрдә кәлгән исимлиридин 100ни, әлламә Сәлман
Әвдә 117ни баян қилған. Пеқир әлламә Сәлман Әвдәниң әсири
билән әлламә Муһәммәд Ратиб Наблисиниң әсирини асас қилип, һәр иккисидин мувапиқ дәриҗидә топлап, Аллаһ тәаланиң
«Қуръан Кәрим»дә кәлгән исимлиридин 101, сәһиһ һәдисләрдә
кәлгән исимлиридин 17, җәми 118 исмини ихчам баян қилдим.
Бу исимларниң мутләқ көп қисми мәзкур икки муәллип бирликкә кәлгән исимлардин болди. Исимларни шәрһләштә башқа
мәнбәләрдинму пайдиландим.
Әсәрниң ахирқи «Һаятиңизни Аллаһниң гөзәл исимлири
билән нурландуруң» дегән қисмини умумән Әли ибни Җабир
Әлфәйфиниң «Йәттинчи асманға сәпәр» намлиқ әсиридин өзләштүрүп алдим.
Өзәмни Аллаһ тәаланиң әң зор илтипатиға вә сансиз ярдимигә еришкән бири дәп билимән. Чүнки мән Аллаһ тәаланиң
ярдәм қилидиғанлиғиға чин ишәндим, чоң-кичик барлиқ һаҗәтлиримни униңдин уялмай, тартинмай тиләшни адәт қиливалдим. «Я рәббим! Мән барчә ғәмләрдин жирақ болуп, сениң улуқ
диниңға хизмәт қилишниң ғеминила қилай, жүригимдики мошу
отни қәтъий өчүрмигин, сән мениң һаҗәтлиримни рава қилғин,
мени барлиқ ғәмлиримдин халас қилғин, көңлүмни хатирҗәм,
Аллаһниң гөзәл исимлири
15
дилимни йоруқ қилғин» дәп дуа қилишни үгинивалдим. Бундақ дуа қилиш тоғриму яки Аллаһ тәала билән содилашқандәк
болуп қаламду? Буни билмидим. Амма пайдисини интайин
көп көрдүм. Олтурсам, қопсам, һәтта ухлаш алдидиму барчә
хиялим өзәм бир қоллуқ үстидә ишләватқан мавзу яки издиниватқан мәсилә үстидә болиду, өйниң ишлири билән анчә карим
болмай қалиду. Шуңа бәзидә аялим маңа: «Сиз өзиңизниң дуниясида тәнһа яшаватисиз» дәп қойиду. Чүнки аилиниң ғемини
йейиш, сода-сетиқ ишлирини қилиш, балиларниң дәрислирини
тәкшүрүш, үгинишлирини қилдуруш қатарлиқ ишларниң һәммиси әшу җапакәш, пидакар һаят шеригимниң үстигә жүклинип
қалған болуп, бу мениң камчилиғим. Чүнки бу адиллиқ әмәс.
Шу мунасивәт билән униңға зор тән сақлиғи вә иккила аләмлик бәхит-саадәт тиләймән, һәмдә бу әмгигимниң әҗрини бир
Аллаһтинла тиләймән, совавини болса әшу пидакар һаят шеригимгә һәдийә қилимән. Чүнки мениң барлиқ мувәппәқийәтлиримдә униң бир кишилик һәссиси бар.
Җанабий Аллаһ тәаладин бу аддий әмгигимни өз дәргаһида қобул қилишини вә уни мусулман хәлқим үчүн мәнпәәтлик
илимләр қатаридин қилип беришини төвәнчилик билән тиләймән.
Муһәммәт Йүсүп
1443 һ., 16-муһәррәм.
2021м., 24-август.
Җиддә— Сәудийә Әрәпстан.